رواية قلبي تحداني بقلم زهرة الربيع

دفعها ونزل جري عند خالد الي اول ما شافو قال بابتسامه..اهلا اهل بالنجم الي مشرفنا ..انا لسه كنت امبارح بشوف الفيلم بتاعك و
بس قطع كلامو باستغراب وتوتر لما نور وقف قدامو بالظبط وبصلو پغضب شديد
خالد قال باستغراب فيه ايه يا نور مالكم يا جماعه
ملاك لسه هتتكلم نور ضړبو بوكس قوي جدا وقعو على الارض
خالد حس الدنيا بتلف بيه وبقى يحاول يقف وقال بتعب وتوتر..يا نور انا مش عايز اتغابى عليك فيه ايه

نور مسكو من قميصو بشده وفال پغضب شديد...لا اتغابي يلا اتغابي وريني نفسك اخلص انا مستنيك تتغابى
خالد قال ..ياعم انا اصلا غبي مش هتغابى وبعدين ليه مسكت في الكلمه يعني
نور بقى يهزو پغضب وقال...انت قولتلها انك بتحبها..انت الي قولتلها..انطق
خالد مكانش فاهم ابدا قال.. هيه مين فيه ايه ياجماعه
نور قال پغضب انا هفهمك كويس..بقى الهانم رفضتني علشانك بتقول انكم بتحبو بعض ده صحيح
خالد اتسعت عنيه بشده وبصلها بزهول وقال..انتي..انتي قولتيلو كده
ملاك هزت راسها.. بأيوه بحرج 
خالد بص لنور وقال..لا اذا كده تمام على الاقل والواحد يعرف بيضرب ليه..وفي النهايه.. اذا جاء اجلهم لا يستأخرون ساعة ولا يستقدمون..اضرب يا باشا ربنا يديك الصحه
هنا نور ضړبو بقوه شديده وخالد وقع هلى الارض ومرضاش يقوم تاني وقال..لا انا تعبت لو حابب تكمل انزل انت
نور كان هيتجنن منو ولسه هيروحلو تاني ملاك وقفت قدامو وقالت پغضب... بس بقى انت حيوان..سيبو ملكش دعوه بيه. انا حره احب الي انا عيزاه وارتبط بالي انا عيزاه..وانت لو اخر واحد في الكون كلو مش هتجوزك يا بتاع سهرات اخر الليل
قالت كده وطلعت على اوضتها پغضب
نور كان هيتجنن منه ومن اللي قالته قدام الكل ولسه هيطلع وراها بص لخالد الاول وقال انت عايز ايه جاي ليه
خالد قال بتعب.. اه صح انا جاي ليه ..اه افتكرت انا جيت اسلم على عمي عن اذنكم و جري على طول پخوف منه
ابوه بص له وقال.. كده برده ابن عمك الغلبان تعمل فيه البلاوي دي
نور قال انا هعرف اراضيه ما تشغلش بالك انت يا بابا..عن
اذنك