رواية عروس تحت الټهديد
كانت كلها حب ومشاعر وكان خلاص فاضل شهر واحد ونتجوز بعد قصه حب دامت اكتر من عشر سنين
وفي يوم كنت راجع من الشغل عملت حاډثه
غمض عينه جامد وسكت لحظه وملامحه بان عليها القهر
رديت بصوت مهزوز
ايدك اتبترت في الحاډثه ديه
هز رأسه وهو مازال مغمض عيونه وكمل بصوت مبحوح
وقتها كنت متوقع وجودها
فضلت استني يوم اتنين تلاته علي امل تيجي تزورني بس محصلش
اللي يقولي تعبانه اللي يقولي مش مستحمله تشوفك كده
اللي يقولي نفسيتها وحشه بسببك
كلام كتير
مكنتش مقتنع بيه
ازاي تسيبني في وقت زي ده
ايه المبرر القوي اللي يخليها متجيش!
خرجت من المستشفي وبقيت كويس وقررت اروح
عشان
اعرف
سبب غيابها وياريتني ما روحت
رديت بفضول
فلاش باك
ا انتي إزاي متجيش تزوريني وانا تعبان
بصيتله ببرود
حمد لله علي السلامه يا يونس
حمد لله علي السلامه !!
هو ده اللي ربنا قدرك عليه
رفعت أكتافها ببرود
عايزني اعملك ايه يعني
رد بعصبيه ممزوجه بذهول
انتي ازاي بالبرود ده!
لو سمحت حافظ علي الفاظك
ا انتي ا انتي متأكده انك مريم اللي بتحبني وبحبها من اكتر من عشر سنين !
انا مش عايزه اكمل
رد پصدمه
ن نعم انتي قولتي ايه
قولت مش عايزه اكمل يا يونس
ع عشان ع عشان ايدي
ردت ببرود وقسوه
مقدرش اعيش مع واحد أيده مش موجوده
رد بصوت مبحوح
ب بس ب بس ده ڠصب عني يامريم
انا اسفه يا يونس بس بجد مش هقدر اكمل
قام وقف وقرب منها وعيونه بتلمع بالدموع
وانا كمان بحبك بس مش هينفع صدقني
رد بعصبيه وجنون
اللي بيحب حد مش بيتخلي عنه
اوقات بنضطر نتخلي عن الحاجه اللي بنحبها لأنها بتأذينا
بتأذينا!!!
هزت راسها بتأكييد
وجودي معاك هيبقي أذي ليا صدقني
مش عايزاك تزعل مني وعايزاك تتأكد اني بحبك والله بحبك و .....
متحلفيييش اوعي تحلفي انتي كذابه انتي عمرك ما حبتيني مفيش حد بيحب حد بيسيبه عشان ظروف خارجه عن إرادته!
انتي ا انتي اكبر خدعه في حياتي
بعد عنها خطوه وهو بيمسح دموعه بقوه
هندمك يامريم
صدقيني هندمك علي كل لحظه حبيتك فيها
وهحب غيرك وهعيش حياتي وهنساكي وكأنك مكنتيش في حياتي
ده لو حد وافق بيك يا حبيبي
هتشوفي يامريم
باك
كنت قاعده بسمعه بفضول شديد
ومع كل كلمه بيقولها كنت بتصدم!
صحيح الحب بيبان في المواقف
صحيح ممكن حد يقولك بحبك ويحسسك أنه ميقدرش يكمل حياته إلا بيك ومع اول ازمه تمر بيها يتخلي عنك وكأنه مكانش موجود من الأساس
المشاعر النظرات الكلام
كلها اشياء ممكن تتزيف
يونس بابتسامه حزينه
الحب طلع خدعه كبيره عكس ما توقعت!
مسحت دمعه شارده نزلت من عيوني وانا ببصله بهدوء
وانت عايز تتجوزني عشان تثبتلها أن في حد وافق بيك واتقبلك وحبك مش كده
هز رأسه بهدوء
والاهم من كل ده انك احسن منها في كل حاجه
بس مكانش ليه لازمه تعمل كل ده يا يونس
مش فاهم
تهكر فوني تهددني تساومني الجواز أو الڤضيحه
علي فكره كان ممكن تطلب مساعدتي وانا مكنتش هتردد اني اساعدك
تساعديني ازاي !
معرفش بس اكيد كنت هلاقي حل إلا الجواز
مش سهل علي اي بنت تتجوز وتتطلق بعد شهر
اشمعني اصلا مده الجواز شهر
مريم فرحها بعد اسبوع
وشهر وهتسافر هي وجوزها وكل العيله
لازم قبل ما تسافر اثبتلها اني مش وحيد وان في ناس متقبلاني
سكت لحظه وهو بيبصلي بعدها اتنهد بحزن
انا اسف مكانش لازم اتصرف بالطريقه ديه
صدقيني مش من طبعي أبدا اسلوب الټهديد
ب بس مكانش في قدامي حل غير كده
مسك الفون بتاعه وبدأ يمسح كل الصور
