رواية عروس تحت الټهديد

تفطري معايا
رديت ببلاهه
مين اللي يفطر
انا وانتي ياقمري
حطيت ايدي علي جبينه بتلقائية 
انت تعبان
هز رأسه بنفي وتوتر 
لا انا كويس ويلا بسرعه قبل الاكل ما يبرد
كان هيلف بس انا مسكت أيده واجبرته يبص في عيوني
يونس انت بتحاول توصل لأيه بالظبط 
لقلبك
ابتسمت ابتسامه باهته وانا بهز راسي بيأس
انت شفقان عليا مش كده
لا مش كده يا إيمان 
انا فعلا عايز اوصل لقلبك
رديت بعصبية والدموع بتلمع في عيني 
توصل ازاي ومفيش غيرك جوا قلبي من اساسه !
انا....
قاطعني وهو بيحط ايده علي بوقي 
لو عندي شك واحد في الميه اني مش هحبك عمري ما كنت فكرت في الفرصه ديه
انا مش شخص اناني ولا مؤذي عشان ارهن حياتك بقلبي 
بصيت في الأرض بحزن وانا بفتكر كلامه وبكرره
لانك بنت جميله محترمه ناجحه طموحه 
بأختصار انتي البنت المطلوبه في مهمتي
قرب مني خطوه وبص جامد في عيوني 
بس انا نسيت اقولك اهم حاجه في كل دول
ايدي اترعشت وجسمي كله اتنفض ورديت بتوتر وصوت متقطع
ا ا ايه هي 
ان انتي البنت الوحيده اللي قدرت تخلي ده يدق من بعد مريم
قال جملته وهو بيحط ايدي نحيه قلبه وبيبص في عيوني بنظرات غريبه اظن حب!!
سحبت ايدي اللي كانت بتترعش ورجعت خطوه لورا وانا بهز راسي بنفي 
لا انت بتكذب عليا
انا مش بكذب 
انا حاولت اتجاهل شعوري نحيتك 
حاولت ادوس علي قلبي عشان متوجعش تاني 
بس مقدرتش 
حاولت اثبت لنفسي اني مش ممكن احبك 
استغليت حوار الاستوري عشان اتجوزك 
رديت بذهول وصدمه
ليه كل ده 
ساب دراعي واخد نفس عميق وكمل بحزن 
كنت فاكر انه مجرد اعجاب ومع الوقت هيروح لحاله
عرفت أن مش كل الناس زي بعض 
قررت اني لازم ادي لنفسي فرصه واحب واتحب من جديد
قررت ارمي مريم ورا ضهري ومفكرش فيها من تاني 
قررت اخلي جوازنا حقيقي مش مجرد صفقه أو لعبه وشهر وتنتهي وارجع لنقطه الصفر من تاني!
اول ما خلص كلامه وقف اسقف بسخريه والدموع نازله من عيوني
لا برافووو حقيقي برافو عليك ضړبت عصفورين بحجر واحد
انت بني آدم اناني 
بني آدم مؤذي
علي قد ما حبيتك علي قد ما أنا دلوقتي بكرهك وشيفاك ولا حاجه يا يونس
اوعي تفتكر أن الكلمتين دول هيخلوني افرح واقول الله ده طلع بيحبني زي ما بحبه وهيخلوني انسي اني
كنت استبن أو سد خانه لا يابابا مش انا
إيمان اسمعيني بس انا.....
شاورتله بجمود 
طلقني 
إيمان
رديت بقوه وتحدي
بقولك طلقني يا يونس وحالا
اتنهد ورد بحزن
حاضر
انتي طالق
هيه جميله اوي حنينه وطيبه
بعد مرور شهر
كنت قاعده علي مكتبي في الشركه الجديده اللي اشتغلت فيها
بعد ما سيبت شغلي اللي كان
موجود فيه
بعد الطلاق 
قررت انهي كل
حاجه
حاجه متعلقه بحياتي القديمه 
بيتي شغلي قلبي مشاعري
قررت ابقي انسانه جديده تماما 
قويه مستقله مشاعري جامده
مساء الخير
رفعت راسي من علي الورق اللي كنت بترجمه ولسه هرد الصدمه الجمت لساني 
اتنفضت من مكاني بذهول 
انت
ممكن ادخل
رديت بقوه وتحدي بالرغم من الرعشه اللي احتلت كياني
لا
وكأني سمحتله يدخل!
ي يونس انا قولتلك لا م....
قاطعني وهو بيشاورلي بهدوء 
هما خمس دقائق مش هاخد من وقتك كتير
اتفضل
مدلي أيده بالبوكيه بأبتسامه لطيفه 
اتمني يعجبك
بصيتله ورديت بجمود 
بمناسبه ايه 
من غير مناسبه
قعدت علي الكرسي وانا ببص قدامي بكبرياء
اسفه مبقبلش هدايا من غير مناسبه
اتنهد بقله حيله وقعد علي الكرسي وحط البوكيه علي المكتب
لحد أمتي يا إيمان
رديت بأستغراب
مش فاهمه قصدك 
قصدي لحد امتي هتفضلي تكابري 
انا مش بكابر
إيمان انتي بتحبيني وانا بحبك واظن انا اتعاقبت بما فيه الكفايه وندمت ومحتاج فرصه واحده بس
انا كنت فاكر أن غيابك عني هيخليني انساكي 
بس 
عارفه المشكله ايه ف غيابك 
ان انا حابك اكتر دلوقت
لو سمحتي اديني فرصه واحده اعوضك عن اللي فات 
انا بحبك والله العظيم مش عايز حد غيرك ومش فارقلي حد غيرك دلوقتي
كلنا بنغلط مفيش بني آدم معصوم من الغلط 
وانا غلطان وعايز اصلح الغلط ده
وافقي ارجوكي
قام وقف ولفلي وقعد علي ركبه قدامي
اعتبري اننا نعرف بعض من اول وجديد 
تقبلي تتجوزيني ونكمل حياتنا مع بعض بدون ما نفتكر الماضي
عيوني لمعت بالدموع وانا بهز راسي بموافقه 
موافقه
بحبك
وانا كمان بحبك
لو كنت اذيتك
انا اسف 
اسف على قد مايرضيكي
وان عشت حياتي بقدم أسفي ومايكفيش
هافضل اقدمه 
على قد ما ربنا يديني ف الدنيا واعيش
وان كنتي اذيتي انا مسامح 
انا جايب بكره اتفاوض بيه 
على حصة وجعك في امبارح
تمت