رواية مكتملة بقلم سميه عامر-2
انت في الصفحة 1 من 5 صفحات
ال و 12
ازاي هيجيلك قلب تعمل كده تبعد ام عن عيالها ارجوك خليني اقابلك و هنتكلم
مفيش كلام خلاص
قفل و رجعت هي ټعيط
عدى اسبوع كامل وهي مبتاكلش و الدكتورة كل يوم عندها
و اتفاجئت بيوسف _ نورين لازم تسافري
بصتله بتعب و مكانتش شايفاه من كتر العياط
نورين عيالك قاطعين اكل و لازم تسافري
استوعبت كلامة و قامت معاه بسرعة وهي بلبس البيت ركبو العربية ووصلوا للمطار
يوسف _ ايطاليا
ولادي في ايطاليا
يوسف _ نورين انا مينفعش اقولك اي حاجه و حتى عبدالملك ميعرفش اني قولتلك
اتعصب و علت صوتها _ كنتو هتستنوا لحد عيالي ما يموتوا
متنكريش انك انتي اللي عملتي كده لما فكرتي في نفسك
سكتت و مردتش نزلت دموعها وصلوا و خدها يوسف لبيت عبدالملك و اول ما فتح الباب جريت على جوا لحد ما وصلت لصوت عيالها من صوت عياطهم
عبدالملك بعصبية _ ازاي تجيبها هنا
يوسف _ حرام عليك انت متعرفش حالتها كانت عاملة ازاي كانت ھتموت
اسكت مسمعش صوتك و اول ما تنزل ترجعها
نورين وهي نازلة راسها في الأرض _ انا مستعدة اعمل اي حاجه بس افضل معاهم ارجوك
بصلها بطرف عينه و قلبه ۏجعة على شكلها بس مبينش ده
موافق لحد ما يكبروا شويه و يتعودوا على الاكل
لا مش ممكن
يوسف _ طيب احم انا جعان جدا ممكن اكل بيتزا أو باستا اي حاجه مش احنا في ايطاليا برضو
طلعت نورين و سابتهم فضلت طول اليوم نايمة جنب ولادها و مصحيتش غير على صوت الخدامة مطلعالها الاكل
قعدت تاكل و كانت اول مرة تاكل بشراهه كده عشان لاحظت أن قوتها مش كافيه تغذي اولادها
دخل عبدالملك عليها فجأة لقاها خلصت كل الاكل و بتطلب من الخدامة تجيبلها فيتامينات معينة و عصير فريش
انا بس بحاول اعوض ضعفهم و هما بعيدين عني
ضحك باستهزاء _ صح و يوم ما جيتلك البيت و خدتك المستشفى كنتي رمياهم عند جارتك
بصتله بتعب _ كنت لوحدي و كان عندي ڼزيف كان لازم اروح المستشفى
كنتي لوحدك عشان انتي عايزة تبقي لوحدك
خلينا ننسى اللي حصل و نبدأ من جديد ارجوك كفايه كده
ابتسم بسخرية _ للاسف جيتي متأخر بعد ما خلاص خطبت و هتجوز
حس عبدالملك وقتها أنه قلبه هيطلع من مكانه
نورين _ انتي مين و ازاي تدخلي من غير استئذان
ليلى _ انا .... احم ولا قولها انت يا حبيبي
عبدالملك بحزم _ اطلعي برا لحد ما اجي
خرجت و فضلت نورين مستنية جواب منه
دي تبقى خطيبتي .......
اتاكد انك عامل متابعه للبيدج عشان تشوف باقي الرواية روايات الملك
خطيبتك
طيب و انا .. انت فعلا هتتجوز عليا !
لف ضهرة بعد ما سمع صوت ابنه بيعيط _ شوفي عيالك احسن
خرج و سابها دموعها على خدها
نزل ل تحت
مين قالك تطلعي بالمنظر ده
ليلى _ يوسف قالي ان ام الاولاد جات حبيت اتعرف عليها
اياكي تعمليها تاني و تقربي منها فاهمة
خلاص حاضر اسفة
اتفضلي روحي دلوقتي و انا هكلمك في التليفون
بس انت وحشتني خلينا نخرج انهاردة
موافق هعدي عليكي على ٨ تكوني جاهزة
ابتسمت و مالت عليه عشان تبوسة
بس بعد عنها _ قولتلك انا راجل شرقي محبش الكلام ده قبل الجواز
اه اسفة تاني هستناك بليل يا حبيبي باي
خرجت ليلى و قعد عبدالملك يفكر في نورين و عياله اللي سماهم من غير ما ياخد رأيها حتى
نزلت نورين و باين عليها انها كانت بټعيط
قعدت على الكنبه _ الخدامة نادت على عيالي بإسم نيرة و نورالدين ايه الاسامي دي انا مش عاجباني
ابتسم بسخرية_ انتي مين عشان تعجبك أو لا احمدي ربنا انك هنا معاهم دلوقتي
اتعصبت و قامت وقفت قدامه _ طيب رجعني مصر انا و عيالي
بمزاجي لما يجيلي مزاج هنرجع
طلعت اوضتها مع عيالها و قفلت على نفسها و عدى اسبوعين و كل يوم كانت بتشوفه و هو خارج مع ليلى الشئ اللي خلاها ټموت من الغيرة و الحزن
بدأ شكلها يتحسن و يرجع احلى من الاول
لبست فستان نبيتي و حجاب صغير و اخدت ولادها و الخدامة و قررت تنزل تتمشى في ايطاليا بما ان عبدالملك مش موجود و مش فاضيلها
اتصورت كتير مع عيالها و نزلت الصور انستا وهي مبسوطة
بس فجأة لقيت تليفونها بيرن _ انتي فين
هيفرق معاك
انتي فييين
برا خرجت مع ولادي بفسحهم
ارجعي البيت دلوقتي
انت شوفت الصور اتغاظت صح قول قول
قبل ما يرد قفلت في وشه بس فجأة لقيته قاعد في كافيه قدامها و ليلى قاعدة معاه
عيونها دمعت بس اتمالكت نفسها و راحت ناحيتهم _ معلش لأكون ازعجتكم حبيبي انت كنت قلقان على ولادك صح يلا خدهم بقى خلي بالك انت منهم انا مش فاضيه
ليلى _ مين دي .. هي دي نفسها مراتك هي ازاي بقيت حلوة كده دي عمليات تجميل
نورين بغيظ _ كله طبيعي
عبدالملك _ ارجعي البيت مع الولاد و انا جاي
ارجع لوحدك ولادك معاك اهو انا هتفسح
مشيت من قدامهم
قام عبدالملك و شاور للخدامة_ خدي الاولاد للبيت و انا جاي
ليلى _ انت هتسيبني
اه هبقى اكلمك بليل سلام
سابها و مشي ورا نورين اللي فضلت مستمتعة و ملاحظتش أنه وراها
وقفت عشان تشتري ورد و قرب منها شاب ايطالي و كان باين عليه أنه معجب بيها
كلمها بالانجليزي _ انتي جميلة جدا
اتخضت و رجعت لورا _ شكرا
قرب منها الشاب تاني _ ممكن اخد تليفونك
فجأة لقى قدامه عبدالملك اللي حط أيده على وسطها _ انا زوجها
اتحرج الشاب و مشي
بعدت نورين ايديه عنها _ انت جيت ورايا ازاي و ليه سبت الهانم
يلا نرجع البيت
مش هرجع
قربت عليه وهي بتدلع و حطت ايديها حولين رقبته _ تعالى دلعني شويه
ابتسمتله بخبث و مسكت أيده و حطت راسها على كتفه و فضلوا ماشيين لحد ما وصلو عند بحيرة و بصت في عيونه _ انت متقدرش تتجوز عليا
ضحك بخبث _ ليه بقى
انت عارف ليه
كانت هتمشي بس شدها عليه من وسطها _ هو انا قولتلك قبل كده ان عيونك حلوة
ضحكت بخجل _ لا
و ضحكتك احلى
بعدت عنه وهي بتضحك _ مفيش في قلبك غيري انا عارفة
فضل واقف مكانه _ بس انا هتجوزها بعد اسبوعين
اټصدمت و فضلت واقفة مكانها مش عارفة تفكر ولا تعمل اي حاجه .. روحت البيت في هدوء وهي مبتتكلمش
.....
بعد اسبوع
دخل عبدالملك اوضتها هي و الاولاد بس مكانتش موجودة
رن عليها ألف مرة مبتردش و رن على يوسف قاله أنها مش معاه
يتبع
ال و 14
عدى ٤ سنين و نورين مختفية
كان عبدالملك زي المچنون و كل ما مدة اختفائها بتزيد كل ما بيتجنن اكتر و اكتر أسلوبة بقى اقسى من الاول حتى تعامله مع اللي حوليه كل حاجه فيه اتغيرت
روح مامي يلا نحضر الفطار
يلا يا مامي بس نور
نايم
نور الدين من وراها _ اسمي نور الدين
