قصة بقلم فونا
الرقم وابتسم
سيبته وطلعت
دخلت اترميت علي السرير نمت لأني كنت تعبانه أوي حتي مغيرتش هدومي
صحيت تاني يوم ببص في الساعه لقيتها تسعة ونص
يلهوي يلهوي
أنا شغلي الساعه عشرة
راحت عليا نومه
بقيت أجري في الأوضه بدور علي حاجتي عشان ألبس وأجهز
جهزت ونزلت جريت حتي مفطرتش
نزلت بسرعه وعشان حظي كان سكر مكنش في مواصلات والساعه عشرة إلا عشرة والمكان بعدين
فضلت أكلم نفسي لغاية مجت عربية جنبي وظمرت
أتخضيت وببص لقيته هو!!
چون!!
ابتسم_صباح الخير
أبتسمت بصعوبة_صباح النور
_واقفه ليه كدا
أصل راحت عليا نومه ونزلت متأخر فملقتش مواصلات
_طب اركبي
بصيتله بصدمة_نعم
ضحك_مالك مصدومه كدا هوصلك في ايه
صراحة مكنش في وقت خالص إني أعترض فركبت بسرعه
فجأة لقيته بيضحك بدون سبب
مچنون ده ولا ايه
_أنت بتضحك علي ايه
حاول يكتم ضحكته_لا ولا حاجه أنت مستعجله ليه ورايحه فين
أتكلمت بعفوية_رايحه شغلي
الكافيه اللي شوفتني فيه
أرجوك بسرعه عشان مش ناقصه خصم هيي
بصلي وضحك_وخصم ليه
أتكلمت بشبه نرفزة_بسبب مدير الكلب ده وهو أصلا بيتلككلي عايز أي غلطه عشان يرفدني ابن طنط سعاد
بصيتله بإحراج لقيته كاتم ضحكته فعصبني أكتر
_أنت بتضحك علي ايه
لا ولا حاجه
فطرتي
_لا ملحقتش بعد الشغل بقي هبقي أكل
وليه بعد الشغل
_عشان مفيش وقت وممكن تبطل كلام لو سمحت وتسوق أسرع
بصلي بصه خوفتتي أتكلمت بتوتر
_احم آسفه والله مقصدش بس أنا حقيقي متأخره ومش حمل أي خصم
أستغربت الصراحه بس محطتش في دماغي
وصلنا عند الكافيه ونزلت بسرعه وأنا بدعي يارب ميكونش المدير موجود ولكن للأسف مش كل حاجه بنتمناها بتحصل
_مريم!!
كنت داخله مع چون وكنت بتخبي فيه عشان المدير ميشوفنيش بس إزااااي ده يحصل
رديت بتوتر_نن..نعم
بصلي وأتكلم بنرفزة_أتأخرتي ليه
رديت بتوتر_مم..معلش راحت عليا نومه
_م خلاص يا عم نادر يعني مأجرمتش يعني الساعه ١٠ وربع تأخير ربع ساعه فقط ومحدش في الكافيه
أتكلم بنرفزة وهو بيبصلي_عشان خاطرك أنت يا چون
أتكلمت بصدمه_وه أنتم تعرفو بعض
نادر بغرور_طبعا الظابط چون ده صاحبي وحبيبي
بس لحظه أنت عرفتيه منين وماشيين سوا ليه
مكنتش عارفه أرد ف چون رد
دلوقتي بس هات أي حاجه لمريم تفطر علي حسابي
أتكلمت بسرعه_ لا طبعا مينفعش وبعدين قولت هاكل بعد الشغل
بصلي وابتسم ببرود_ممكن تسكتي
بصتله ورفعت حاجب_مالك
أبتسم ببرود_زي الشاطرة كدا تاكلي من سكات
وبعدين بصلي بصه خوفتني
أتكلمت بنرفزة_طب أوعي كدا بس
ودخلت علي شغلي
نادر بص لچون وغمز_منين الأهتمام ده
چون بنرفزة_خليك في حالك
فضلو يهزرو شوية لغاية مسمعو صوت زعيق بصو لقو مريم اللي بتزعق
_أنت متخلف ولا ايه
بت احترمي نفسك أنت خدامه هنا مش أكتر وأنا أول مهنادي المدير هيرفدك
وليه ننادي المدير وهو موجود
في ايه يا مريم
_حضرتك الأستاذ كان طالب قهوة جبتهالة وبحطها حاول يمسك ايدي
